Навіны футболу

Шаноўныя сябры,

у апошнія дні і тыдні мы працавалі над новымі функцыямі ды выпраўленнем памылак у баскетболе, гандболе ды футболе. Я пачну з нашага новага віду спорту.

Навіны баскетболу

Мы зрабілі некалькі выпраўленняў у гульнявым рухавіку баскетболу. Быў усталяваны ўплыў энергіі ў гульні, таксама мы прынялі яшчэ шэраг мер, каб пераканацца, што гульня толькі пяцю гульцамі не з'яўляецца жыццяздольнай тактыкай. Таксама мы выправілі некаторыя дробныя памылкі адносна замен. Напрыклад, калі першы зменшчык зарабіў шмат парушэнняў, гулец з стартавай пяцёркі вернецца ў гульню, калі ён не пасаджаны на лаву за набору 3 ці 4 парушэнняў. Другі зменшчык будзе выкарыстаны толькі ў тым выпадку, калі стартавы гулец і першая замена ня могуць гуляць. Іншымі словамі, другая замена больш ня спадкуе налады першай.

Каб зрабіць вашу працу па стварэнні стартавай расстаноўкі лягчэй, мы дадалі фільтр пазіцый. У вас ёсць магчымасць выкарыстоўваць птушачкі дзеля таго, каб адлюстраваць падыходзячых на пэўнае месца гульцоў. Фільтр улічвае толькі прыдатны рост гульцоў, а не іх фактычныя атрыбуты. Тым ня менш, рост гульца і яго атрыбуты (і якасці) некалькі звязаныя, і больш высокія гульцы часцей маюць атрыбуты, прыдатныя для цэнтравога ці магутнага форварда. Гэта, у асноўным, прызначана для новых карыстальнікаў і для тых, хто не так добра знаёмы з баскетболам.

Таксама былі выпраўленыя некаторыя дробныя памылкі ў прамым этэры.

Навіны гандболу

У гандболе ў справаздачу гульні мы дадалі анімацыю, дзякуючы якой магчыма прагледзіць галы сустрэчы. Проста націсніце на абразок плёнкі побач з імём аўтара закінутага мяча, каб убачыць, як здарылася ўзяцце брамы.

Навіны футболу

У футболе мы выправілі некаторыя памылкі з заменамі, якія адбываліся, калі вы рабілі пэўную камбінацыю хадоў. З-за памылкі на экране адлюстроўвалася толькі 9 палявых гульцоў і замены ў гульні не праводзіліся. Такога больш не павінна здарыцца.

Вось і ўсё, добрага дня!